სასტუმრო ტიფლისი ფასების ნახვა

სასტუმრო ტიფლისი -ს ადგილმდებარეობაა თბილისი. ის მდებარეობს თბილისის საერთაშორისო აეროპორტიდან ავტომობილით 30 წუთის სავალ მანძილზე, მეტრო მარჯანიშვილიდან ფეხით 5 წუთის სავალ მანძილზე, ავტოსადგურიდან ავტომობილით 15 წუთის სავალ მანძილზე, რკინიგზის სადგურიდან ავტომობილით 15 წუთის სავალ მანძილზე.

სასტუმროში შეგიძლიათ ისარგებლოთ WiFi-ით, დაცვის სამსახურით, უფასო პარკინგით, საკუთარი სამრეცხაოთი ან სარეცხი მანქანით, ტაქსის სერვისით, დასუფთავების მომსახურებით და რესტორანით სადაც შეგიძლიათ მიირთვათ უგემრიელესი კერძები.

ყველა ნომერს აქვს :

• ინდივიდუალური სააბაზანო ოთახი
• ტელეფონი
• საშხაპე
• ცენტრალური გათბობა
• ტელევიზორი
• კონდიციონერი
• ფენი

განსხვავებულ კულტურათა თანაარსებობა ქართული ისტორიის თითქმის ყველა ეპოქის მახასიათებელია. XIX ს.-ის ქართული ხელოვნებისა და არქიტექტურის განვითარებაში განსაკუთრებული წვლილი გერმანელმა ემიგრანტებმა შეიტანეს. თბილისის შემოგარენში გერმანული დასახლება, ,,ალექსანდერდორფი“ გაჩნდა. ერთ-ერთი ყველაზე მნიშვნელოვანი ადგილი, რომელიც გერმანელებს აკავშირებდა წმ.პეტრეს და პავლეს ევანგელისტურ-ლუთერანული ეკლესია იყო. ეს ეკლესია, „კირხე“ , 1818 წელის, დღევანდელ დ. აღმაშენებლის გამზირზე, თავად გერმანელებმა, ნეოგოთიკურ სტილში ააშენეს. მოგვიანებით „კირხეს“ გიმნაზია გაიხსნა, სადაც არაგერმანელი ბავშვებიც გერმანულ ენაზე სწავლობდნენ. წმ. პეტრეს და პავლეს ევანგელისტურ-ლუთერანული ეკლესია მეოცე საუკუნის 40-იან წლებში საბჭოთა ხელისუფლებამ გერმანელ ტყვეებს საკუთარი ხელით დაანგრევინა. გერმანული ახალშენებიდან ცოტა რამ თუ შემორჩა. მათ შორის, საბედნიეროდ, „კირხეს“ გიმნაზიაც. – პატივცემულო სტუმრებო, თქვენ ახლა სწორედ ამ ისტორიულ შენობაში იმყოფებით.

WIFI   –   სასტუმრო სრულიად მოცულია საჰაერო ქსელით , რომელიც სრულიად უფასოა.

ბარი – სასტუმროში ფუნქციონირებს ღია და დახურული ბარი.

დახურული ბარი განკუთვნილია 20 ადამიანსთვის. ინტერიერი , რომელიც გადაწყვეტილია ვინტაჟურ სტილში, გაგახსენებთ XIX – XX საუკუნეებს. აქ შეგიძლიათ დატკბეთ გემოვნებიანი მუსიკის მოსმენით. ჩვენთან მოგემსახურებიან კვალიფიცირებული და მომხიბვლელი კადრები ,რომლებიც შეგიქმნიან სასიამოვნო განწყობას. ჩვენ გთავაზობთ ქართულ და ევროპულ სამზარეულოს გემრიელ სასმელებთან ერთად.

ღია ბარი ეს ის ადგილია , სადაც შეგიძლიათ  გინიტვირთოთ და ისიამოვნოთ ჩვენი ულამაზესი ეზოთი.

საკონფერენციო ოთახი – სასტუმროში ფუნქციონირებს საკონფერენციო ოთახი, რომელიც მოემსახურება П-სებური წყობით 20-25 კაცს, ხოლო თეატრალური წყობით -30-ს.

 

დარბაზში განთავსებულია :

• კომფორტული მაგიდები და სკამები
• პროექტორი და დაფა

დამატებითი ღირებულების ფასად , შეგვიძლია შემოგთავაზოთ „ Coffee Break “-ი და  “Lunch menu”.

 

არის საერთო სარგებლობის სამზარეულო, სადაც სტუმრებს თავად შეუძლიათ მოამზადონ კერძები.

მომსახურების პირობები

შესვლის (Check in) და გასვლის (Check out) დრო

შესვლის დრო 14:00; გასვლის დრო 12:00