„მარკო პოლო“ მდებარეობს გუდაურში. ის მდებარეობს თბილისის საერთაშორისო აეროპორტიდან ავტომობილით 1 საათისა და 45 წუთის სავალ მანძილზე.
საცხოვრებელში შეგიძლიათ ისარგებლოთ WiFi-ით, დაცვის სამსახურით, უფასო პარკინგით, ფიტნეს დარბაზით, საკუთარი სამრეცხაოთი ან სარეცხი მანქანით, ტაქსის სერვისით, განიტვირთოთ მასაჟის პროცედურებით, აუზით და რესტორანით სადაც შეგიძლიათ მიირთვათ უგემრიელესი კერძები.
საცხოვრებელს აქვს:
- ინდივიდუალური სააბაზანო ოთახი
- აივანი
- საშხაპე
- ტელევიზორი
- ფენი
სასტუმრო მდებარეობს კურორტის ცენტრში, საბაგიროდან სტუმრებს აცილებს მხოლოდ სპეციალურად აღჭურვილი სათხილამურო ფოიე.
სასტუმრო “გუდაური მარკო პოლო” ესაზღვრება სხვადასხვა სირთულის სათხილამურო ტრასებს, რომლებიც ესადაგება ნებისმიერი მოთხილამურისა თუ სნოუბორდისტის დონის მოთხოვნებს.
სასტუმროში ფუნქციონირებს ხუთი სხვადასხვა სახის კვების ობიექტი, სადაც შეგიძლიათ დააგემოვნოთ, როგორც კავკასიური, ისე ევროპული სამზარეულოს კერძები. დააგემოვნეთ კავკასიური სამზარეულოს მადის აღმძვრელი კერძები, რომელთა რეცეპტებიც თაობიდან თაობას გადაეცემა. მთავარ რესტორანში გთავაზობთ, როგორც საუზმეს, ისე მთელი დღის განმავლობაში ალა -კარტე მენიუს. რესტორანში შესალებელია 250 ადამიანის განთავსება. გაერთეთ და ისიამოვნეთ ბოულინგ ბარის სასმელების ფართო ასორტიმენტით. მუსიკისა და ცეკვის მოყვარულებს სასტუმრო ლაუნჯ ბარში გართობას სთავაზობს. თქვენს განწყობაზე ცნობილი დიჯეები იზრუნებენ. ბუხარი და ჭიქა ღვინო თქვენს საღამოს კიდევ უფრო მყუდროსა და სასიამოვნოს გახდის. სასტუმრო „მარკო პოლო“ ზრუნავს სტუმრების ჯანსაღ ცხოვრებაზე და სპა ცენტრში ფიტო ბარი ფუნქციონირებს.
ვისაც სურს ფიზიკურად და გონებრივად განიტვირთოს, საკუთარ თავსა და გარე სამყაროს ჰარმონიულად შეეთვისოს, ჩვენს სპა ცენტრს უნდა ესტუმროს.
ისარგებლეთ სასტუმროს ულტრათანამედროვე და კეთილმოწყობილი აუზით. კარგი განწყობის შესაქმნელად, გაჯანსაღებისა და დასვენებისთვის ცურვა საუკეთესო საშუალებაა. ჩვენ მხოლოდ საუკეთესოს ვირჩევთ თქვენთვის, ამიტომ ვიყენებთ ცნობილი ბრენდის, GERMAINE DE CAPUCCINI- ის პროდუქციას. დასვენებისთვის და თქვენი სხეულის გაახალგაზრდავებისთვის შეგიძლიათ ისარგებლოთ ჩვენი ჯაკუზით. ფინური საუნა საუკეთესო საშუალებაა თქვენი განტვირთვისათვის.
ისიამოვნეთ სათხილამურო ფერდობებზე სრიალით, მაგრამ გახსოვდეთ, რომ ჩვენს სასტუმროშიც მხიარულად გაატარებთ დროს − თავს შეიქცევთ ჩოგბურთისა და ბილიარდის თამაშით ან სხვადასხვა გასართობით. თქვენი შვილები კი საბავშვო კლუბში იმხიარულებენ.
სასტუმრო ,,გუდაური მარკო პოლო’’ თავის სტუმრებს მსოფლიო ბრენდის Brunswick – ის ოთხბილიკიან ბოულინგს სთავაზობს, რაც სპორტის ამ სახეობის მოყვარულებს დაუვიწყარ სიამოვნებას მიანიჭებს. სასტუმრო ,,გუდაური მარკო პოლო’’ ყველა დამსვენებელს აძლევს საშუალებას, ისარგებლოს ბოულინგის დარბაზით და გაატაროს დაუვიწყარი დრო მეგობრებთან ერთად, დარბაზის ბარშივე დააგემოვნოს არაჩვეულებრივი კოქტეილები.
გსურთ, მიიღოთ განტვირთვა სრიალის შემდეგ? ეწვიეთ ,,გუდაური მარკო პოლოს’’ გასართობ ოთახს. აქ საშუალება გეძლევათ, ითამაშოთ Table Football და Air Hockey, ასევე ვიდეოთამაშები: X – box და PlayStation. სასტუმრო ,,გუდაური მარკო პოლოს’’ საბილიარდოში განთავსებულია სამი ამერიკული (პულის) და ერთი რუსული ბილიარდის მაგიდა.
,,გუდაური მარკო პოლო’’ გთავაზობთ სავენტილაციო სისტემითა და იატაკის სპეციალური გრუნტის საფარით აღჭურვილ ჩოგბურთის ორ მოედანს. თქვენ ასევე შესაძლებლობა გეძლევათ, აქვე იქირაოთ თამაშისთვის საჭირო ინვენტარი.
,,გუდაური მარკო პოლოს’’ საბავშვო კლუბში შეგიძლიათ დატოვოთ თქვენი შვილი გამოცდილი ძიძებისა და პროფესიონალი ანიმატორების მეთვალყურეობის ქვეშ. აქ ბავშვებს შეუძლიათ გაერთონ შემეცნებითი და გამაჯანსაღებელი აქტივობებით ან ითამაშონ სასტუმროს ახლოს მოწყობილ საბავშვო მოედანზე, თქვენ კი ამ დროს დატკბეთ სამთო-სათხილამურო დაშვებისას მიღებული საუკეთესო შეგრძნებებით.
