„შატო მერე“ მდებარეობს თელავში. ის მდებარეობს თბილისის საერთაშორისო აეროპორტიდან ავტომობილით 1 საათისა და 15 წუთის სავალ მანძილზე.
საცხოვრებელში შეგიძლიათ ისარგებლოთ WiFi-ით, დაცვის სამსახურით, უფასო პარკინგით, საკუთარი სამრეცხაოთი ან სარეცხი მანქანით, საკუთარი ბაღით, ტაქსის სერვისით, აუზით და რესტორანით სადაც შეგიძლიათ მიირთვათ უგემრიელესი კერძები.
საცხოვრებელს აქვს:
- ინდივიდუალური სააბაზანო ოთახი
- აივანი
- საშხაპე
- ტელევიზორი
- კონდიციონერი
- ფენი
ღვინის სასტუმრო “შატო მერე” თელავის მახლობლად, სოფელ ვარდისუბანთან 2011 წლის 18 სექტემბერს გაიხსნა. „შატო მერე“ თბილისიდან დაახლოებით ერთი საათის (85 კმ) სავალ მანძილზეა. შატო ქვისგან ნაგები სამსართულიანი სასახლეა, დიდი ქვის გალავნით, ხის აივნებითა და ოთხი კოშკით, საიდანაც კავკასიონის მთებისა და ალაზნის ველის თვალწარმტაცი ხედი იშლება. სასტუმროს კომპლექსში შედის რესტორანი, საკონფერენციო დარბაზი, ღია აუზი და ჯაკუზი, კომპანია „ვინივერიას“ ღვინის საწარმო და ქვევრების მარანი, აგრეთვე საჩუქრების მაღაზია და საჯინიბო.
„შატო მერე“ ორიგინალური არქიტექტურით ძველ ქართულ სასახლეს ჰგავს. სასტუმროს ინტერიერი წარსულისა და თანამედროვეობის საუკეთესო შეხამებაა. შატო ძველებური ავეჯითაა გაწყობილი და სტუმრებისათვის მრავალი საინტერესო დეტალისაგან შედგება.
შატო მერეს სიახლოვეს უამრავი ღირსშესანიშნაობაა. მათ შორის: ახალი და ძველი შუამთის მონასტრები, გრემი, ალავერდი, შიოს მარანი, იყალთოს აკადემია, ერეკლე მეორისა თუ ალექსანდრე ჭავჭავაძის სახლ-მუზეუმები. სურვილის შემთხვევაში კი რამდენიმედღიანი ტურის დაგეგმვა და მთელი კახეთის (სიღნაღი, ბოდბე, ნინოწმინდა, უჯარმა, ლაგოდეხის ნაკრძალი) დათვალიერებაცაა შესაძლებელი.
უნიკალური ლანდშაფტი, სუფთა ჰაერი, კახური სამზარეულო, ექსკლუზიური ღვინოები და საუკეთესო მომსახურება ყველა პირობას ქმნის სასიამოვნო დასვენებისათვის. ოჯახთან, მეგობრებთან ან საქმიან პარტნიორებთან ერთად შატო მერეში გატარებული ერთი დღეც დაუვიწყარ შთაბეჭდილებებს დაგიტოვებთ.
სასტუმროს რესტორანი 150–250 პერსონაზე გთავაზობთ საგულდაგულოდ შერჩეულ ქართულ, ადგილობრივ კახურ და ევროპულ კერძებს, რომლებსაც კახეთში განთქმული შეფ–მზარეული გია ადგილობრივი ნატურალური პროდუქტებისაგან ამზადებს „შატო მერეს“ სტუმრების გემოვნების გათვალისწინებით. რესტორანი და მის წინ გაშლილი ვერანდა ქორწილის, წვეულებისა და სხვა სადღესასწაულო ღონისძიებისათვის საუკეთესო ადგილია.
ბარი „ლაუნჯი მერე“ სტუმრებს საღამოს სასიამოვნოდ გასატარებლად ეპატიჟება. კარაოკეს მოყვარულებს შეუძლიათ გაერთონ და მუსიკალური შესაძლებლობები სრულად გამოავლინონ.
სასტუმროში არსებულ ბუფეტში თქვენ შეგიძლიათ დააგემოვნოთ ქართული კერძები. საღამოობით სტუმრებს შეუძლიათ ისარგებლონ ბარით.
ასევე თვქენ შეგიძლიათ დრო გაატაროთ სასტუმროში არსებული აქტივობებით:
ღვინის დეგუსტაციით, კარაოკეთი. სასტუმროს ასევე შეუძლია დაგეგმოს ცხენით საჯირითო ექსკურსია.
სტუმრებს შეუძლიათ ისარგებლონ ტრანსფერის მომსახურებით.
შატო მერეს საკონფერენციო დარბაზი გთავაზობთ საუკეთესო გარემოს:
- ბიზნეს-შეხვედრების;
- კონფერენციების;
- სემინარების;
- ტრენინგების;
- პრეზენტაციების;
- და სხვა ტიპის ღონისძიებების მოსაწყობად.
საკონფერენციო დარბაზი აღჭურვილია ყველა საჭირო ინვენტარით - აუდიო/ვიდეო აპარატურა, პროექტორი, დაფა, უკაბელო ინტერნეტი. დარბაზში ადგილების რაოდენობა ღონისძიების მიხედვით 30-დან 100 ადამიანამდე განისაზღვრება. კომფორტული და მშვიდი სამუშაო გარემო ნებისმიერ ღონისძიებას საინტერესოს და სასიამოვნოს გახდის.
ჩვენი სასტუმროს ინფრასტრუქტურა საშუალებას იძლევა ერთდროულად დაგეგმოთ და განახორციელოთ თქვენი ღონისძიების ყველა ეტაპი. ჩვენ შეგვიძლია მივიღოთ და დავაბინავოთ სტუმრები, შევთავაზოთ უგემრიელესი ლანჩი და სრულად ვიზრუნოთ მათ კომფორტზე. ყველაფერი ეს კი მაქსიმალურად ხელმისაწვდომი და მოხერხებული პირობებით.
შატო მერე – სასტუმრო სადაც დაბრუნება აუცილებალდ მოგინდება!
